Nga Boldnews.al
Në debatin e keqpërdorimit që i bënë mediat e Karlo Bolinos emrit të Matilda Makoçit ka ndërhyrë edhe gazetarja Rudina Xhunga.
Komenti i Rudina Xhungës ka marrë dhenë duke u publikuar në të gjitha mediat online. Rudina del aty me shpatë për të mbrojtur Matildën, por në fakt mbron Edi Ramën.
Moderatorja e emisionit “Dritare” e trajton si çështje grash ngjarjen e rëndë të manipulimit të thënieve (e cila përbën vepër penale) të Matilda Makoçit, kur në fakt nuk është çështje gjinie.
Kemi të bëjmë me një çështje propagande dhe censure.
Atëherë pse e bën një veprim të tillë Rudina?
Zonja Xhunga nuk punon për Karlo Bolinon, nuk shquhet për raporte miqësore me të.
Atëherë pse?
Sepse me këtë shkrim ajo i jep një sinjal kryeministrit Rama se e ka harruar fyerjen publike që ai i bëri në emisionin e saj.
Zonja Xhunga po dërgon sinjale se e ka harruar shkarkimin e burrit të saj nga pozicioni i zëvendësministrit të Mbrojtjes. Madje ka vendosur të mbyllë sytë edhe për kritikat e hidhura që bashkëshorti i saj bën ndaj “Rilindjes”.
Mos vallë pas mbylljes së emisionit PUBLICUS në Vizion + , Rudina Xhunga ndien ose është nën presionin e Genc Dulakut se edhe emisioni i saj mund të përfundojë shumë keq duke e nxjerrë nga dritaret e ndryshkura të televizionit që tashmë ka damkën e censurës në median shqiptare?
