Aleanca Kundër Importit të Plehrave ka paralajmëruar sot se do të zhvillojë së bashku me qytetarët një tjetër protestë masive kundër importit të mbetjeve më 30 tetor.
Pas takimit me kreun e grupit parlamentar të LSI-së, Petrit Vasili, ambientalisti Lavdosh Feruni deklaroi se “me datën 30 do të kemi protestë masive në mbështetje të kauzës sonë. Ne kuptuam që na dëgjuan me vëmendje dhe shpresojmë që i kanë mbajtur mirë shënim ata që ne kërkuam”.
Takimi mes përfaqësuesve të AKIP dhe Vasilit, erdhi pasi ambientalistët u kanë dërguar letër grupeve parlamentare për shqetësimet e tyre.
Presidenti Nishani ktheu ligjin e mbetjeve në parlament, ndërsa kreu i LSI-së Ilir Meta, javën e kaluar propozoi ekspertizë nga BE në lidhje me ligjin.
