Një ngjarje e rëndë ka ndodhur gjatë orëve të para të mëngjesit në Qendrën e Shëndetit Mendor në Avexano të Italisë. Një shqiptar, i sëmurë mendor ka mundur të rrëmbejë dy infermiere të qendrës.
Shqiptari është identifikuar si Enriges Kavalli, 19 vjeç. Ai kishte mundur të siguronte një thikë dhe me të ka kërcënuar dy infermieret. Njërën prej tyre e ka marrë në një automjet jashtë qendrës dhe ka abuzuar seksualisht me të. Kjo e fundit ka mundur të arratiset dhe ka njoftuar disa banorë aty pranë që njoftuan policinë. Shqiptari është endur në pyll për të humbur gjurmët por është kapur. Mësohet se ai e ka plagosur lehtë njërën prej infermiereve.
