Prodhuesit e automobilave i kanë bashkuar forcat, që të krijojnë një veturë vetëdrejtuese që sjell lehtësi shumë të mëdha, ulë shpenzimin dhe ndotjen e ambientit.
Këto makina nga Land Rover dhe Ford do të kenë të instaluara një mekanizëm të veçantë, që i sinjalizon njëra-tjetrës nëse në ndonjë rrugë ka kolona të gjata, apo kur në afërsi ka vend të lirë parkingu.
Me anë të projektit prej 22 milionë eurove të quajtur ‘Autodrive’, po tentohet të krijohet ky algoritëm unik, me anë të së cilët automobilat njoftohen me kohë se kur ndizet drita e kuqe dhe e zvogëlojnë shpejtësinë ngadalë, e jo menjëherë.
Përmes programit provohet të krijohet sistemi që i mundëson veturat të ‘flasin’ mes vete, duke i lehtësuar shumë segmente të udhëtimit.
Në të njëjtën kohë, këta automobila do të shpenzojnë më pak, sepse shmangin vozitjet apo xhirot e panevojshme, me çka edhe ndotja e ambientit nga lirimi i gazrave është shumë më i vogël.
Deri më tani ‘Autodrive’ është në fazat fillestare, ndërsa pritet që testimi rrugor të bëhet gjatë vitit të ardhshëm. TG
