Revista e përmuajshme britanike “Shoot”, e sheh Elseid Hysajn si një prej tre futbollistëve të serie A që mund të ndjekë Paul Pugba tek Manchester United.
Sipas saj, Hysaj është një prej mbrojtësve më të mirë të kampionatit italian. Futbollisti i përfaqësueses shqiptare shihet si opsion i trajnerit Mourinho në rast se ai nuk do të bindet nga alternativat e tjera, si Florenzi. 22-vjeçari, 3 vjet në Serie A, dhe me 43 ndeshje për Napolin në të gjitha kompeticionet.
sipas portalit britanik, Hysaj i ofron Mourinhos dhe United një opsion të qëndrueshëm dhe garantuar në difensivë. Një kandidat në të cilin ndërthuren mosha e re dhe eksperienca e gjatë në nivele të larta, sikurse përmenden tre sezonet e tij në Seria A, veçanërisht me 43 paraqitje me Napolin në vetëm një sezon. “Hysaj është shumë i shpejtë dhe cilësor, si në fazën mbrojtëse ashtu edhe atë sulmuese. Ai mund të vijojë kështu dhe pas disa sezonesh të bëhet një nga mbrojtësit më të mirë në botë. Hysaj është padyshim një futbollist që do të përforconte opsionet e Mourinhos te Manchester United”, thekson “shoot.co.uk”.
