Zv/drejtori për Krimet në Drejtorinë e Policisë së Qarkut Tiranë, Ermal Muça është emëruar Drejtor i Policisë së Qarkut Lezhë. Emërimi i tij vjen pas pezullimit nga puna të Dritan Lenjës.
Ky i fundit, u pezulla pas akuzave të ngritura ndaj tij nga Shërbimi i Çështjeve të Brendshme dhe Ankesave në muajin Korrik. Prezantimi i Muçës në detyrën e re u bë sot nga zv.drejtori i Policisë së Shtetit, Rebani Jaupaj.
