Ka përfunduar në pranga sapo zbriti nga avioni në aeroportin e Barit, një nga kapot e “Ndrangheta-s” në Itali.
Fabio Lopez, 38-vjeçari i akuzuar për vrasje të tipit mafioz, trafikim dhe shitje droge, po udhëtonte nga Tirana në Bari.
Ai ishte shpallur në kërkim si pjesë e operacionit “Six town” ku u arrestuan 36 persona.
Mediat italiane raportojnë, se organizata e drejtuar prej Fabio Lopez akuzohet për krime të rënda deri edhe vrasje, por aktiviteti kryesor i kësaj organizate ishte trafiku i lëndëve narkotike dhe shpërndarja në Itali.
Lopez ka qëndruar në Tiranë ditët e fundit dhe sapo ka mbërritur në aeroportin e Barit ka rënë në pranga.
