Një 17 -vjeçar ka rënë në prangat e policisë së Fierit pasi në banesën e tij u gjendën 9 kg hashash.
Ndëkohë policia e Gjirokastrës ka arrestuar një 54 -vjeçar të cilit ju sekuestruan disa bimë të dyshuara narkotike në proces tharje, të cilat pas peshimit rezultuan me peshë totale 3 kg.
Policia e Fierit bën me dije se një adoleshent nga fshati Fratar i Mallakastrës është arrestuar me 9 kg kanabis, që i mbante fshehur në shtëpi. Sipas policisë, kanabisi ishte futur në dy thasë dhe në një qese. Pas kësaj, në pranga u vu i mituri, Xh. B. 17.
Ndërkohë në Kolonjë të Gjirokastrës u arrestua Nazmi Graçi, 54 vjeç. “Shërbimet e Policisë në bazë të informacioneve të marra në rrugë operative se ky shtetas dispononte lëndë narkotike në stanin e tij, nga efektivët e policisë është bërë kontrolli në stanin e tij në vendin e quajtur “Rehovë” njofton policia. Nga kontrolli i ushtruar në stanin e tij janë disa bimë të dyshuara narkotike në proces tharje, të cilat pas peshimit rezultuan me peshë totale 3 kg.
