314 persona kanë rënë në pranga në një operacion të koduar “Ciconi Alba”, i ndërmarrë mes 52 shteteve, përfshirë edhe Shqipërinë.
Policia ka sekuestruar rreth 2. 4 ton kokainë.
Në operacionin ndërkombëtar, që zgjati 6 ditë, janë arrestuar edhe 10 shqiptarë me banim në Gjermani.
Gjatë operacionit u sekuestruan:
2.38 ton kokaine 181.550 Euro.
U liruan: 529 viktima të trafikimit të qënieve njerëzore.
U arrestuan: 314 persona U kontrolluan 541.423 shtetas dhe mjete
Europol raporton se gjatë operacionit janë bastisur bordello, sallone masazhi, aeroporte, apartamente si dhe qendra të pritjes së emigracionit. Qëllimi i këtij operacioni “ishte ndërprerja e rrjeteve të rrezikshme kriminale aktualisht aktive” duke përfshirë edhe ato që kanë të bëjnë me emigracionin ilegal, njerëzve dhe trafikut të drogës dhe krimit kibernetik.
Operacioni “Ciconia Alba” është koordinuar nga Europol nga seli në Hagë dhe kishte qëllim “një goditje të madhe për grupet e krimit të organizuar që veprojnë në të gjithë Bashkimin Evropian dhe më gjerë.” “Nga ana e Policisë Shqiptare është marrë pjesë në këtë operacion, ku oficerët tanë të Sektorit Kundër Trafikut të Qënieve Njerëzore janë dërguar në Gjermani dhe kanë kryer veprime konkrete me palën Gjermane në terren. Kemi pasur pikat tona të kontaktit dhe kemi shkëmbyer informacion edhe për çështje të trafikimit të lëndëve narkotike.
