Gazeta e Kosovës “Zëri” ka zbuluar ditën e sotme disa dokumente të një marrëveshje të fshehtë të nënshkruar në Beograd pak ditë më parë nga kryeministri Edi Rama. Marrëveshja anashkalonte Kosovën si shtet, duke e eliminuar fare nga bashkëpunimi.
Kjo gjë ka sjellë edhe reagime te ndryshme. Një prej tyre është edhe vetë kryeredaktorja e kësaj gazete, Arbana Xharra e cila e ka shprehur mendimin e saj në faqen e Facebook.
“Edi Rama ka nenshkruar protokol bashkepunimi me Serbine per autostraden Nish-Prishtine-Tirane, pa e perfshire Kosoven. Nga cilido aspekt, kjo eshte e papranueshme. Perjashtimi nga vendimmarrja per Kosoven mund te pritet nga kushedo, por jo nga Shqiperia.
Ne jemi shtet dhe duhet te trajtohemi si te tille. Nese Shqiperia nuk na trajton si te tille, atehere cfare mund te presim nga te tjeret?
Te kerkosh nga Serbia qe te njoh Kosoven si shtet dhe te njejten kohe te sillesh ndaj saj si padron eshte e pakuptime.
Po ua le “diplomateve” shqiptar te tregojne nese kjo marreveshje paraqet “leshim” apo eshte pjese e politikes se saj te jashtme qe per Kosoven te vazhdojne te vendosin te tjeret”, shkruan Xharra.
