Federata Shqiptare e Futbollit vazhdon të trajtojë në mënyrë të ndryshme ngjarjet që kanë lidhje me sjelljen e tifozëve në stadiume, duke ngarkuar klubet e Superiores me gjoba të rënda në disa raste, e duke i përkëdhelur ato në raste të tjera.
Ndërsa një javë më parë “dënoi” përsëritësit Partizani, Kukësi e Laçi me nga një ndeshje pa tifozë, e cila u shlye shpejt e shpejt në takimet stërvitore të Kupës së Shqipërisë që ato zhvilluan, Komisioni i Disiplinës sot nuk ka ngurruar të vazhdojë gjobat e majme ndaj klubeve si Tirana e Skënderbeu.
Tirana, e paralajmëruar si klubet e sipërpërmendura se në rast përsëritjeje do të përballej me përshkallëzim masash, është ndëshkuar me 300 mijë lekë gjobë. Ndërsa Skënderbeu, i paralajmëruar po në të njëjtën mënyrë, ka marrë një gjobë prej 100 mijë lekësh për sjelljen e mbështetësve të vet si dhe është ngarkuar të dëmshpërblejë dëmin e shkaktuar në stadiumin “Selman Stërmasi”.
Sigurisht, nuk mund të mungonte edhe sot një vendim i pakuptimtë i këtij organi juridik, i cili pezulloi një vendim të dhënë nga ai vetëm 15 ditë më parë, pa kaluar më parë nëpërmjet Komisionit të Apelit. Dikush në FSHF aplikon një rregullore tjetër nga ajo që njohin të gjithë…
Vendimet e Komisionit të Disiplinës:
1.KF “Tirana”, per sjellje të gabuar te spektatoreve, ne baze te Nenit 66/1, denohet me gjobe ne masen 300000 (treqind mije) leke.
2.KF “Skenderbeu”, per sjellje të gabuar te spektatoreve, ne baze te Nenit 66/1, denohet me gjobe ne masen 100.000 (njeqind mije) leke, gjithashtu edhe me detyrimin te demshperbleje demin e shkaktuar ne Stadiumin “Selman Stermasi”.
3.KF “Dinamo”, per sjellje te gabuar te spektatoreve,ne baze te nenit 13, paralajmerohet qe ne rast perseritje do te merren masat disiplinore te nenit 66/1 te parashikuar ne KDS
4.Zyrtari i KF “Sopoti”, Ardit Bozo, per shkelje te parimeve te Fair Play, duke protestuar ne menyre te perseritur ndaj vendimeve te zyrtareve te ndeshjes, ne baze te Nenit 56/1/a, pezullohet per 2(dy) ndeshje nga aktiviteti.
5.Zyrtari i KF “Albpetrol”, Adriatik Kurti, per shkelje te parimeve te Fair Play , duke protestuar ne menyre te perseritur ndaj vendimeve te zyrtareve te ndeshjes, ne baze te Nenit 56/1/a, pezullohet per 3(tre) ndeshje nga aktiviteti.
6.Lojtari i KF “Gramozi”, Donald Mete, per sjellje ofenduese ndaj zyrtarit te ndeshjes, ne baze te Nenit 56/1/a, denohet me 2 (dy) ndeshje pezullim nga aktiviteti.
7.Lojtari i KF “Këlcyra”, Kleskid Halili, për sjellje jo sportive ndaj kundershtarit, ne baze te Nenit 48//1/d, pezullohet per 2(dy) ndeshje nga aktiviteti.
8.Lojtari i KF “Këlcyra”, Renis Spahiu, per loje te rende ndaj kundershtarit, ne baze te Nenit 48//1/d, pezullohet per 2(dy) ndeshje nga aktiviteti.
9.Lojtari i FC “Internacional” U-17, Joan Cela, për sjellje jo sportive ndaj zyrtarit te ndeshjes, ne baze te Nenit 49/1/a), denohet me pezullim per 4(kater) ndeshje nga aktiviteti.
10.Lojtari i FC “Internacional” U-19, Marko Vanbasten Cema, për sjellje të keqe ndaj kundërshtarit, ne baze te Nenit 48/1/d), denohet me 2 (dy)ndeshje pezullim nga aktiviteti.
11.Zyrtari i KF “Flamurtari” U-17, Sherif Idrizi, per sjellje ofenduese ndaj zyrtarit te ndeshjes, ne baze te Nenit 56/1/a, denohet me 3(tre) ndeshje pezullim nga aktiviteti.
12.Pranimin e kerkes se lojtarit Ledjo Doci te KF “Iliria” per pezullimn e zbatimit te vendimit Nr.25, dt 04.10.2016 (pika4) Ky pezullim jepet me kusht per nje periudhe 6 (gjashte) mujore si dhe te mos perserise ndonje shkelje tjeter disiplinore. /PanoramaSport/
