Deputeti Ben Blushi i është përgjigjur me mjaft ironi deklaratave të kryeministrit Edi Rama.
“Paska folur Edi Rama për romanet e mi! Kur shkrimtaret merren me qentë, qentë merren me librat!”, shkruan Blushi në Facebook.
Ky reagimi Blushit erdhi pasi kryeministri Rama deklaroi mbrëmë për gazetaren Eni Vasili se tani Blushi mund të shkruajë një libër tjetër, pasi nuk do të ketë më punë.
“Meqë ka ikur nga partia mund të thyej heshtjen, por për të thënë shumë thjesht, Ben Blushi ka pasur dy kryetarë në parti Fatos Nanon dhe mua. Me Fatos Nanon u bë nja tre herë ministër dhe s’bëri asnjë punë. Me mua s’bëri asnjë punë por bëri nja tre libra, romane. Dhe e vetmja gjë që unë do t’i sugjeroja nëse do kisha mundësi do ishte që tani që është akoma me këtë mllefin atomik ndaj PS-së, të bëjë edhe një libër tjetër, një roman sepse kur të bëjë partinë e tij s’do bëjë më as punë dhe as romane. Kështu mendoj unë për Ben Blushin”, tha Rama mbrëmë.
