Këto 20 këshilla anti-plakje vijnë pas një studimi disavjeçar amerikan të dermatologëve dhe ekspertë të bukurisë. Ja se si të dukeni më të reja se mosha juaj.
1- Eleminoni pipën për të pirë lëngje
Përdorimi i pipës mund të duket një zakon i pafajshëm, por me kalimin e kohës ju mund të vëreni rrudha që janë formuar rreth buzëve tuaja. Angela Lamb një asistent profesore në universitetin e mjekësisë Mount Sinai për çështjet e dermatologjisë shprehet se sa më shumë i përdorim ne këta muskuj aq më shumë rrudhat do të bëhen të dukshme.
2- Seriozisht, mos pini duhan
Ka shumë arsye për të lënë duhanin dhe kjo është një ndër ta, përveç kancerit të mushkërive dhe sëmundjeve të zemrës, pirja e duhanit dëmton pamjen tuaj. Ky zakon i keq ndikon në plakje, shfaqjen e rrudhave si dhe zverdhjen e dhëmbëve.
3- Ushqehuni me antioksidantë
Një dietë e shëndetshme është shumë pozitive për trupin tuaj, frutat dhe perimet janë antioksidantët më të mirë sepse vitamina B dhe E që ata përmbajnë janë shumë pozitive për lëkurën. Por të dobishëm janë dhe vitaminat B6 B12 të cilat mund t’i gjejmë në pjatat e peshkut.
4- Përdorni ushqimet e fermentuara
Ju ndoshta e dini se turshitë, si lakër turshi, domate turshi etj janë të pasura me acide të cilat janë të mira për zorrët. Ushqimet e fermentuara kanë antioksidantë dhe janë anti-inflamator të shkëlqyer. Craig Kraffert, një dermatolog i çertifikuar i bordit të produkteve Amarte rekomandon turshitë dhe kërpudhat. Ai shprehet se këta produkte e qetësojnë lëkurën dhe e bëjnë atë më të shkëlqyeshme.
5- Përdorni proteinat
Shumica e grave duhet të hanë 46 gramë proteina në ditë (ose më shumë nëse ju jeni shtatzënë, jepni gji, ose jeni një atlet konkurrues). Proteinat janë zgjedhje e goditur për t’ju mbajtur nën kontroll, për të humbur peshë si dhe për të ruajtur figurën tuaj rinore.
6-Zvogëloni sasinë e sheqerit që përdorni
Ai është një risk për obezitetin, diabetin dhe si të mos ishin këta të mjaftueshme ai dëmton dhe lëkurën tuaj. Në 2010 studiuesit kanë gjetur një lidhje mes përdorimit të sheqernave dhe plakjes.
7- Përdorni këllëfët prej mëndafshi
Pambuku dhe poliestra mund t’ju duken më të rehatshme dhe të buta në fytyrën tuaj, por kur të zgjoheni në mëngjes në faqet tuaja mund të jenë krijuar shenja sepse fytyra ju rrëshqet në jastëk gjatë natës. Me këllëfin e mëndafshit nuk ndodhin lëvizje të fytyrës në jastëk dhe si bonus as flokët nuk ju ngatërrohen gjatë natës.
8- Flini në shpinë
Nëse gjithmonë flini në anë ky zakon negativ mund të ndikojë që ju t’ju krijohen rrudha në faqe. Përveç kësaj fjetja në shpinë ka dhe anë të tjera pozitive siç janë eleminimi i dhembjes së qafës apo shpinës dhe ju ndihmon që të mos krijoni shtypje të kraharorit.
9- Përdorni yndyrna të shëndetshme
Ka shumë arsye përse duhet të duam yndyrnat e omega 3. Ato na japin ndjenjën e ngopjes, ndihmojnë trupin të përthithë vitaminat dhe reduktojnë sëmundjet kardiovaskulare. Këto yndyrna tregojnë një pamje më të këndshme dhe rinore.
10-Kthejini ushtrimet në prioritet
Ushtrimi i vazhdueshëm mund t’ju bëjë të ndiheni dhe të jeni më të rinj. Përveç formës së trupit dhe fytyra juaj do të përfitojë gjithashtu. Studimet e universitetit McMaster në Kanada kanë provuar që ushtrimet ndihmojnë që lëkura e fytyrës të mos plaket.
11- Menaxhoni stresin tuaj
Situatat stresuese ndikojnë në sëmundjet tuaja mendore. Stresi dhe hormonet e lidhura me stresin ndikojnë në plakje,- shpjegon Doktor Lamb.
Kërkimet tregojnë se efektet negative të stresit nisin të shfaqen që nga niveli qelizor. Në 2013 një kërkim danez provoi se qelizat e njerëzve që kalojnë në situata stresuese plaken më shpejt se të atyre që nuk kalojnë në situata stresuese.
12- Pudrosja në mënyrën e duhur
Pudrosja e gabuar ose përdorimi i kimikateve të gabuara mund të ndikojë në plakjen e lëkurës. Është e nevojshme të kuptoni që nuk po e acaroni lëkurën tuaj gjatë procesit. Është e rekomandueshme që para se të vendoset për përdorimin e një kremi apo pudre të diskutohet me dermatologun.
13- Përdorni produkte me retinoid
Nëse ju përdorni tashmë produkte kundër plakjes atëherë ta keni të qartë që duhet të përdorni retinoid. Është shumë e rekomandueshme nga dermatologët. Në se jeni të rinj me përdorimin e këtij produkti atëherë duhet të keni parasysh që kemi të bëjmë me një produkt kundër plakjes që ka në përbërje vitaminën A. Si fillim duhet të nisim me përqindje të vogla përdorimin e produktit dhe me kalimin e kohës mund të rrisim përqindjen.
14-Pakësoni sasinë e kripës
Përdorimi i sasive të mëdha të natriumit e bën trupin tuaj të akumulojë ujë duke ju dhënë ndjesinë e fryrjes. Pra mos u habitni që kur të zgjoheni të keni sy të fryrë. Duhet të nisni të zvogëloni kripën në mënyrë graduale dhe në këtë mënyrë mund të evitoni shumë pasoja anësore siç janë rritja e presionit të gjakut dhe goditjet në tru.
15- Konsumoni shumë ujë
Mospirja e sasisë së mjaftueshme të ujit sjell plakjen e lëkurës thotë doktor Nussbawm. Ajo rekomandon që duhet të pini gjysmën e peshës suaj në centimetër. Për shembull nëse jeni 80 kilogram duhet të pini 40 cm ujë ose pesë gota.
16-Sa më pak alkool
Përsa ju përket pijeve alkoolike, alkooli e dehidraton trupin, pra mendohuni dy herë para gotës së dytë të verës. Acidi në verë mund ta dëmtojë lëkurën dhe kështu ajo mund të duket e thatë, e mpirë dhe e çuditshme.
17- Kujdesuni për duart tuaja
Shumica e personave i japin rëndësinë maksimale kujdesit të lëkurës së fytyrës dhe harrojnë tërësisht kujdesin për lëkurën e duarve. Lëkura e dëmtuar e duarve ka një lidhje direkte me plakjen e fytyrës. Kryesisht lëkura e duarve dëmtohet nga ekspozimi në diell gjë që mund të parandalohet duke vendosur në mëngjes krem kundër rezeve Ultra Violet.
18- Mendoni dhe për kraharorin
Një pjesë tjetër e harruar për kujdes është kraharori. Kjo zonë ka shumë ekspozim në diell dhe për pasojë mund të rrudhoset apo të mbulohet nga njolla të bardha. Mos harroni të vendosni krem që ju mbron nga dielli në mëngjes si dhe ta mbuloni këtë zonë.
19- Lani fytyrën para se të shtriheni në shtrat
Ne e dimë që duhet ta bëjmë këtë, por disa herë nuk e bëjmë. Ekspertët theksojnë se moslarja e fytyrës në fund të ditës nuk i krijon mundësi lëkurës të rigjenerohet, ndërkohë që ju flini pa harruar që dhe zgjimi do të bëhet me poret e lëkurës të mbyllura. “Lëkura rigjenerohet vetë gjate natës, kështu nëse dëshironi të ndryshoni mënyrën se si lëkura juaj funksionon përbërësit më të rëndësishëm duhet ti aplikoni para gjumit”, shprehet Olga Lorencin-Northrup themeluese e Kunara Spa në Los Anxhelos.
20- Qëndroni larg nxehtësisë për stilimin e flokut
A mund ta imagjinoni një ditë pa shtrirë flokët tuaj. Në qoftë se nuk e shtrini flokun tuaj qoftë për dy jave ai do të bëhet më me shkëlqim dhe me i shëndetshëm. Dhe kjo ka të bëjë me procesin e te qëndruarit të rinj. Përdorni shampo bimore dhe lëreni flokun në tharje natyrale.
