Një video denoncuese ka ardhur nga një qytetar i cili në gjendje të alarmuar është ankuar në lidhje me një masakër të vërtetë që po ndodh në mes të kryeqytetit.
Në redaksinë e “Jeta Osh Qef” qytetari ka denoncuar me anë të videos se një fabrikë e paidentifikuar që ndodhet në rrugën “5 Maji” nxjerr një tym të zi çdo ditë. Sipas raportuesit ndihet erë djegie e mbeturinave spitalore.
Ai dyshon se digjen mbetjet e QSUT dhe ka një thirrje për Ministrinë e Mjedisit që të marrë masa të menjëhershme për zgjidhjen e këtij problemi që shqetëson të gjithë banorët e asaj zone./jetaoshqef.al
