Akuzave të deputetit Ben Blushi për varfërinë dhe mjerimin, që Rilindja i bëri vendit në tre vite qeverisje, Kryeministri Rama i është përgjigjur me një video dëshmi.
Video, në të cilën shfaqen përfituesit nga shpërndarja e këstit të gjashtë të dëmshpërblimit për ish-të përndjekurit, mes të cilëve edhe këngëtari Sherif Merdani.
Ai shprehet falenderues për përfitimin e kësteve të dëmshpërblimit, gjatë kësaj kohe plot 4, sipas tij.
“Ja kush është Partia Socialiste e Shqipërisë dhe kuptimi i fjalës Rilindje, në dëshmitë e gjalla të atyre që u morën zvarrë, deri tre vjet më parë, pasi i shpëtuan ferrit të diktaturës… Qentë Le Të Lehin Karvani Do Ecë Përpara”, shkruan Rama, bashkëngjitur videos.
Blushi gjatë intervistës mbrëmë dhënë për “Opinion”, akuzoi qeverinë dhe Rilindjen mes të tjerash edhe për faktin e largimit të njerëzve.
