Pol Pogba është kthyer në një problem dhe jo vetëm për mesfushën e Mançester Junajtid ku nuk po arrin të integrohet siç pritej.
Sipas mediave britanike, ai është bërë problematik edhe me jetën jashtë fushe, i akuzuar nga personat që qëndronin në një hotel me të se e tepron me atë që bën me partneren e tij në dhomën e gjumit, aq sa ka lënë komshinjtë zgjuar. Sipas “The Sun”, mesfushori francez po bën maksimumin që të gjithë ta dinë se ai është banor në hotelin me pesë yje “The Lowry”, ndërsa është në kërkim të një banese. Mesfushori po shoqërohet me këngëtaren Dencia dhe jeta e tyre seksuale është kthyer në një temë diskutimi te të gjithë banorët e hotelit.
“Ne i pamë të dy bashkë”, u shpreh një nga frekuentuesit e hotelit për tabloidin britanik.
“Kishim një dhomë pranë tyre në katin e tretë të hotelit dhe i shihnim që hynin e dilnin. Unë rashë të flija rreth orës 2 të mëngjesit. Por nga dhoma e tyre dëgjoheshin të qeshura dhe muzikë hiphop me zë të lartë. Më pas gjërat u qetësuan, por mes orës 3 dhe 4 të mëngjesit, dëgjoheshin qartësisht ofshama dhe rënkime. As nuk shqetësoheshin se kush i dëgjonte. Zgjati pafundësisht, ishte si një film porno. Disa herë u dëgjua që e thërriste Pol në emër dhe ishte situatë e sikletshme. Ishte e pamundur të mos e dëgjoje, pasi gjithçka bëhej me zë të lartë”.
Fakti është që gjithçka filloi pas datës 24 shtator, kur Pogba shënoi për herë të fundit me fanellën e Mançester Junajtid, ndaj Leister. “Erdhën atë natë së bashku,. Që në orët e para të mëngjesit të së nesërmes dëgjohej zhurma e tyre. Vazhdoi i njëjti avaz me 27, 28 dhe 30 shtator, në këtë rast të fundit deri në 4 të mëngjesit. U largova nga hoteli më 30 shtator dhe nuk kthehem më aty”, tregoi burimi i “The Sun”. Tabloidi kishte kërkuar informacion nga Mançester Junajtid por klubi konfirmoi se nuk kishte pasur asnjë ankesë zyrtare nga stafi i hotelit apo personat që qëndronin aty rreth sjelljes së mesfushorit.
