Të kthehen në shtëpi nga shkolla me një notë negative, për shumicën e fëmijëve është traumë. Sidomos në qoftë se është hera e parë që ndodh.
Ndaj nënat apo baballarët shpesh pyesin se si duhet të sillen me fëmijën në këto raste.
Gjëja më e rëndësishme është se nuk duhet ta dramatizoni situatën dhe as ta nënçmoni fëmijën. Duhet kuptim dhe dialog i përbashkët, si mënyra më efektive dhe efikase.
Gabimet që ndihmojnë të rriteni– Një nga konceptet e para që duhet t’i transmetohen fëmijëve është se nga gabimet njerëzit mësojnë. E se pengesat në jetë duhet të kapercehen. Prandaj, nota duhet të mbetet një notë dhe nuk përfshin personin në tërësi. Ky është një episod që duhet të konsiderohet me kujdesin e duhur, por nuk e përkufizon fëmijën. Për këtë, është e rëndësishme të shmanget çdo lloj i kritikës apo gjykimit. Është po aq e rëndësishme për t’i shpjeguar fëmijëve se baza e të mësuarit është pikërisht gabimi.
Por as mos e zvogëloni situatën- Të mos e dramatizoni situatën nuk do të thotë ta mësoni fëmijën me notat e keqia. Këto të fundit duhet të merren seriozisht.
Por çfarë do të thotë, në praktikë, të përballeni me një notë të keqe me seriozitetin e duhur? Kjo do të thotë t’i shpjegoni fëmijëve se një notë e keqe do të thotë se ai duhet të përmirësohet në mësime. Përndryshe, ai do të rritet si pre e viktimizimit dhe ndjenjave të paaftësisë.
Prindërit dhe mësuesit – Një nga gabimet më të shpeshta të prindërve, është kur bëjnë një koalicion me fëmijët kundër mësuesve të tyre. Dhe shpesh kjo ndodh vetëm për shkak të një notë të keqe.
Në fakt, vetë prindërit ndjehen të nënçmuar nga notat, duke krijuar një spirale të dëmshme për rritjen paqësore të fëmijëve dhe qasjen e tyre ndaj shkollës. E gjithë kjo do të thotë që edhe mësuesit nuk do të ndjehen më të lirë për të shprehur mendimet lirshëm, të frikësuar për shkak të reagimeve emocionale të fëmijëve dhe prindërve.
Në vend të kësaj, është mirë që prindërit të përmbahen nga çdo lloj shpërthimi ndaj mësuesve (dhe padrejtësive të perceptuara) në prani të fëmijëve. Dhe, në vend të kësaj prindërit duhet të jenë bashkëpunues dhe të ndihmojnë mësuesit në punën e tyre.
Burimi: TgCom24
