Një nga momentet më kulmore të intervistës së kryeministrit Edi Rama në News 24 ishte kur u pyet për kanabizimin e vendit. Gazetarja Eni Vasili i kërkoi Ramës se kush fshihet pas drogës së kultivuar në çdo cep të Shqipërisë.
Por kryeministri qëndroi për pak sekonda i hutuar duke mos kthyer asnjë përgjigje. Por edhe pas këtij shoku, sërish filloi t’i merrej goja duke thënë se nuk po e kuptonte pyetjen.
“Është kapur gjithkush që është gjetur i lidhur me këtë. në qoftë se ju e parafytyroni sepse ju kanë nxitur fantazinë që këtu është një Eskobar diku i fshehur, ose jam unë që drejtoj me telefon dhe s’po e kapin, kjo është një fantazi filmash. Ajo që thotë prokurori italian është që kërkohet një ndërveprim më i mirë midis autoriteteve gjyqësore për të bërë pikërisht pjesën ndjekjes dhe të hetimeve. Sikur kjo Kolumbia shqiptare të ishte jo kaq saç thonë këta, por të ishte 1/10 e kësaj të jeni të sigurt që ne sot do të tregoheshim me gisht nga partnerët europianë.”-u shpreh Rama.
Kryeministri u dorëzua në fund ndaj kësaj pyetjeje për bosët e drogës.
“Nuk e vazhdoj më këtë bisedë se më duket shumë qesharake.”– u shpreh më tej Rama.
Nga Boldnews.al
