Ministri i Drejtësisë Ylli Manjani ka thënë se duhet një angazhim i ushtrisë nëse është e nevojshme për luftimin e parcelave me kanabis.
I pyetur nga gazetarë për këtë fenomen shqetësues që na kthyer në njollën e zezë në Europë, Manjani tha se “po qe e nevojshme duhet të dalë dhe ushtria. Nuk di të them është emergjencë apo jo, por nëse është e nevojshme të dalë dhe ushtria. Nga ky fenomen ose ndahemi tani që sa ka filluar ose nuk ndahemi më, ose kur të ndahemi do të jetë shumë e vonshme”. Në fakt vetëm në Kolumbi, ushtria luftonte direkt kartelet e drogës pasi policia ishte i paaftë dhe e korruptuar. Një rast i ngjashëm si në vendin tonë.
Ministri i Drejtësisë, Ylli Manjani e ka bërë këtë deklaratë në një takim me zyrtarë dhe mediat bilancin e punës 1-vjeçare.
Manjani e ka vënë theksin tek ligji për kthimin dhe kompensimin e ish-pronarëve, i cili sipas tij ka hyrë në rrugën e duhur dhe po jep rezultat.
