Drejtuesi i automjetit që u përplas me furgonin në Bulqizë ishte në gjendje të dehur. Ngjarja ndodhi një ditë më parë në vendin e quajtur “Tre Çezmat” në aksin Shupenzë-Bulqizë.
Policia ka arrestuar 29-vjeçarin Elton Tafçiu, banues në fshatin Kllupçisht të Dibrës.
Shtetasit Tafçiu, iu bë testi i alkoolit me aparatin “Drager”, ku sipas policisë, ka rezultuar nën efektin e alkoolit në masën 0.62 Mg/L. Gjatë kontrollit të dokumentacionit, shtetasi Tafçiu nuk ishte i pasur me Leje Drejtimi.
Gjatë kontrollit të dokumentacionit, shtetasi Tafçiu nuk ishte i pasur me leje Drejtimi.
“Arrestimi i tij u bë pasi me datën 15.10.2016, rreth orës 16.30 në vendin e quajtur “3 çezmat”, në aksin rrugor Shupenzë-Bulqizë, automjeti furgon me targa AA 925 FO me drejtues shtetasin M.H 44 vjeç, që transportonte pasagjerë nga Tirana për në Peshkopi është përplasur me automjetin “Peugeot” me targa AA714 MU, me drejtues Elton Tafçiu, që lëvizte nga Peshkopia për në Tiranë”, deklaroi policia.
Nga aksidenti u dëmtuan katër persona, pasagjerë të furgonit, dy prej të cilëve në gjendje të rëndë.
