Maksi Lopez, Mauro Ikardi dhe Uanda Nara janë bërë vitet e fundit protagonistët e telenovele, mes një përzierje futbolli dhe tradhtie mes dy shokëve, që tashmë nuk janë më miq. Dy sulmuesit dhe modelja argjentinase, që në fillim u martua me Lopezin e tashmë është në krahët e sulmuesit të Interit, kanë qenë edhe subjekt i mafias.
Gazetari Karlos Monti ka ngritur një valë polemikash me afirmimin e tij se, mafia siçiliane u ofrua për të dhunuar dhe për të shantazhuar Mauro Ikardin, si hakmarrje për tradhtinë ndaj futbollistit tjetër..
Në programin “Bien Arriba” në “Radio 10”, gazetari Karlos Monti tha se disa mafiozë u ofruan për të goditur Ikardin, por Maksi Lopez refuzoi të bëhej pjesë e ngjarjes kriminale. Grupi mafioz, sidoqoftë, la kontaktet në makinën e sulmuesit argjentinas, por fatmirësisht çështja mbeti aty.
Replika e gruas më të përfolur të trekëndëshit të tradhtisë, që është edhe agjentja e sulmuesit Icardi, nuk vonoi duke mohuar gjithçka në lidhje me mafian.
Mauro Ikardi, sipas mediave mbetet jashtë kombëtares së Argjentinës, pikërisht pas sjelljes aspak morale ndaj një kolegu, që së fundmi flitet se ka sjellë edhe veton e Lionel Messit për të mos e pasur në kombëtaren argjentinase.
