Një 48 vjeçar është arrestuar nga policia e Elbasanit pasi ka tentuar t’i japë para një efektivi të policisë rrugore për të mos marrë masën administrative, pasi ishte duke udhëtuar me makinë në kundërshtim me rregullat e Kodit Rrugor.
“Është bërë arrestimi në flagrancë i shtetasit Misir Boja, 48 vjeç, banues në fshatin Mjekës. Ky shtetas u arrestua nga efektivat e policisë pasi në aksin rrugor Peqin – Elbasan, në vendin e quajtur “Kryqëzimi Gjocaj” është ndaluar nga Patrulla e Policisë Rrugore Elbasan, për arsye se ka qënë duke drejtuar mjetin Kamioçinë, në shkelje të Kodit Rrugor. Në momentin e ndalimit ky shtetas ka tentuar t’i jap një shumë parash punonjësit të policisë rrugore për të mos marrë masë administrative.”– informon policia
Materialet i kaluan Prokurorisë së Rrethit Gjyqësor Elbasan për veprime të mëtejshme për veprën penale “Korrupsion aktiv i personave që ushtrojnë funksione publike” dhe “Fshehja e të ardhurave” parashikuar nga nenet 244 dhe 180 të Kodit Penal.
