Një grup kriminal në fushën e prostitucionit është shkatërruar nga policia greke, në Athinë. Në pranga kanë përfunduar 5 persona: 2 grek dhe 3 të huaj. Gjithashtu në kërkim është shpallur dhe një 31-vjeçar shqiptar.
Gjatë operacionit gjithashtu janë ndaluar edhe 15 vajza që përdoreshin si prostituta. Të gjitha ishin nga Ukraina, shkruan tvklan.
Ishte pikërisht një grek që pasi “peshkonte” vajza të reja në kushte të vështira ekonomike në Ukrainë, i dërgonte drejt Athinës. Me pas i strehonin në 6 apartamente për t’i futur në rrugën e prostitucionit.
Kur vajzat nuk i plotësonin më kushtet e bosëve, ato “shiteshin” tek shqiptari kundrejt një pagese prej 3 mijë euro. Ky i fundit më pas i përdorte për të fituara para për vete, sërish në prostitucion.
