Policia merr në mbrojtje biznesmeni që iu vu gjobë nga “ushtarët” e Emiljano Shullazi.
Prokuroria zbuloi se dy të arrestuarit Endrit Qyqja dhe Endrit Zela në bashkëpunim me shtetasit Emiljan Shullazi e Gilmano Dani, si edhe për llogari të këtyre të fundit, i kanë marrë shuma të konsiderueshme parash një biznesmenit Ylvi Beqja, nëpërmjet kërcënimit dhe dhunës fizike.
Në bazë të veprimeve hetimore ka rezultuar se shtetasit Shullazi dhe Dani dyshohet se i kanë marrë biznesmenit shuma parash në kohë të ndryshme, duke e kërcënuar fizikisht, si edhe duke ushtruar dhunë fizike. Në disa nga rastet e kërcënimit për dhënie pasurie, në shoqërinë e Shullazit dhe Danit kanë qenë edhe Endrit Qyqja dhe Endrit Zela”
Emri i biznesmenit Beqja doli në skenë pas sekuestrimit të ish-hotel “Vollgës” në Durrës. Rezultonte se në statusin e administratorit të një kompanie arabe, i kishte dhuruar “për mirënjohje” 30 për qind të pronës së zotëruar në këtë hotel.
Atëkohë, biznesmeni pretendoi se kishte bërë një marrëveshje të vullnetshme me Shullazin.
Prokuroria ka kërkuar masë arresti me burg për dy “ushtarët” e Shullazit, të cilët madje e kanë vizituar këtë të fundit në burg për porositë e veçanta.
Ai u ka dhënë deri më tani 100 mijë euro në çeqe dy personave të arrestuar.
