Një aksident me pasojë vdekjen e një kalimtari ka ndodhur ditën e djeshme në Has. Sipas njoftimit të policisë është aksidentuar për vdekje 47-vjeçar, ndërkohë është bërë e mundur dhe arrestimi i drejtuesit të automjetit.
Ky i fundit është Astrit Shuti 36 vjeç, banues në fshatin Branog, Has i cili duke drejtuar mjetin “Ford Fokus”, me targë HS 1383 A, ka aksidentuar për vdekje shtetasin F.C., 47 vjeç, banues në fshatin Vranisht, Has.
Fillimisht autori i aksidentit është larguar nga vendi i ngjarjes, por u arrestua më vonë.
Materialet i kaluan Prokurorisë së Rrethit Gjyqësor Kukës, për veprat penale “Shkelje e rregullave të qarkullimit rrugor” dhe “Largimi nga vendi i aksidentit”, parashikuar nga nenet 290 dhe 273 të K.Penal.
