Agjensitë serbë të lajmeve kanë pasqyruar takimin e dy kryeministrave Edi Rama dhe Aleksandër Vuçiç gjatë forumit të sigurisë në Beograd.
Në titullin e lajmit të agjencisë “B92”, theksohet ajo që tha në fjalën e tij Vuçiç, kur tha se në Serbi e quajnë mik të shqiptarëve ndërsa nënvizoi se nuk do të kandidojë për President të Serbisë. “Ata thonë se budallai Vucic do të fitojë Presidencialet”, shkruan “B92”. Agjencia serbe e lajmeve “Kurir” shkruan “Fjalimi nga kryeministri serb Vucic dhe ai shqiptar Rama: Ne kemi ndërtuar besim me shqiptarët!” Ndërsa “Blic” i bën jehonë deklaratës së kryeministrit shqiptar, kur shkruan: “Kryeministri i Shqipërisë, Rama: Do të jetë shumë më mirë, nëse Serbia e njeh Kosovën”.
