Tre vajza dhe një djalë është bilanci tragjik i një aksidenti mëngjesin e sotëm në autostradën Tiranë –Durrës, afër Sukthit. Ndërkohë policia ka identifikuar dhe emrat e tre prej viktimave të aksidentit.
Ndërkohë që pritet të identifikohet edhe një tjetër vajza që ishte pasagjere në makinën që shkonte nga Tirana drejt Durrësit.
Sipas njoftimit të policisë mjeti tip Benz me targa AA 979 GV, me drejtues shtetasin Dashnor Deliallisi 36 vjeç, banues në Durrës është përplasur me mjetin tip Benz me targa AA 694 IL, në pronësi të shtetases Gerta Sherifi 23 vjeçe, banuese në Sarandë.
Për pasojë drejtuesit e mjeteve kanë humbur jetën në vend. Viktima, Dashnor Deliallisi udhëtonte në sens të kundër me vajzat. Viktima tjetër është I.B. 33 vjeçe, banuese në Tiranë, kurse për të tretën ende nuk ka të dhëna.
