I gjithë opinion publik tashmë flet për kultivimin e hashashit në vend. Nuk ka ngelur njeri pa diskutuar në tavolina, shtëpi, zyra apo shkollë për hashashin.
Kjo është kënga më e fundit që është postuar në rrjetin YouTube nga Loli Kuca me titullin “Baba Hashash”, flet për kultivimin e hashashit në Shqipëri. Me tekstin e Arben Dukës, orkestrim të Zhulian Kuca, klarinet Florjan Sacma, kënga e kënduar nga Loli Kuca ka vargje satirike, teksa flet për sakrificat e kultivuesve për rritjen e drogës e cila pastaj pritet e digjet në aksionet e policisë, ndërkohë që trafikantët presin të marrin miliona euro fitime.
