Tre drejtues të Komisariateve të Policisë në veri të Shqipërisë kanë ndryshuar detyrë duke u transferuar në qytete e zona të tjera.
Këtë të mërkure është larguar nga detyra shefi i Komisariatit të Shkodrës, Gazmend Demrozi. Në vend të tij është rikthyer Alfred Cenaj, i cili edhe më herët ka qenë në këtë pozicion për një kohë të shkurtër.
Demrozi do të marrë po këtë detyrë duke u transferuar në Pukë në vend të Hamdi Shullanit, i cili tashmë është transferuar në Kukës me detyrën Shef Seksioni.
Kjo është lëvizja e dytë brenda pak kohës, pasi në muajt e verës pati rokadë drejtuesish në policitë e qarqeve, përfshirë Shkodrën e Kukësin.
