Ambasada e SHBA-ve në Tiranë ka nisur një proces të ri të aplikimit për viza që është quajtuar “Konsullja Anna”. Nëpërmjet një postimi në faqen e ‘Facebook’, ambasada e SHBA-ve, njoftoi sot se ka krijuar një personazh virtual por që i përgjigjet pyetjeve të qytetarëve në mënyrë korrekte, ndërsa pas ka një ekip të tërë me këshilltarë.
“Jemi duke u përpjekur që të shpjegojmë për ju procesin e aplikimit të vizave në një mënyrë të re! Kemi krijuar një personazh virtual – e kemi quajtur “Konsullja Anna” – e cila shumë shpejt do i përgjigjet të gjitha pyetjeve lidhur me vizat në një program të ri në facebook të titulluar “Pyet Anën.” Konsullja Anna është një personazh jo real, por mos u gënjeni! Këshillat e saj do të vijnë nga një ekip zyrtarësh të vërtetë të konsullatës në Ambasadë, të cilët kanë ndihmuar në krijimin e saj. Nesër ne do të postojmë numrin e parë të “Pyet Anën”! Mos humbisni!”, shkruan ambasada e SHBA-ve.
