Plot 60 mijë Euro i ka vjedhur shokut të tij një 27 –vjeçar. Ngjarja ka ndodhur në orët e para të mëngjesit të së mërkurës, rreth orës 00:20, në lagjen Nr.5 në Durrës.
Personi tashmë i identifikuar nga policia ja ka grabitur shumën e eurove shtetasit A.M. 41 vjeç.
Hajduti ka shfrytëzuar momentin që shoku i tij, personi i grabitur ka dalë nga mjeti i tij tip Benz me targa AA 609 BD. Specialistët për Krimet në Komisariatin e Policisë Durrës po punojnë për kapjen e shtetasit:
• K.O. 27 vjeç, banues në Durrës. “Shtetasit e mësipërm kanë qenë të dy në mjet dhe kur A.M. ka dalë për një moment nga mjeti pretendon se shumën e parave i’a ka marrrë shtetasi K.O”, njofton policia. Materialet i kaluan Prokurorisë së Rrethit Gjyqësor Durrës për veprime të mëtejshme për veprën penale”Vjedhja”parashikuar në nenin 134 të Kodit Penal.
