Një fuoristradë është përfshirë nga flakët në kufirin greko -shqiptar, e mbushur me drogë. Mediat greke bëjnë me dije se mjeti ishte ngarkuar në kufi për të kaluar në shtetin grek dhe nga të dhënat e para mësohet së është arrestuar një shtetas polak, si drejtuesi i mjetit.
Ndërkohë bëhet e ditur se në automjet ka qenë një sasi e madhe marijuane e ndarë në thasë. Nuk dihet ende se sa ishte sasia e saktë e drogës në makinën që ka marrë flakë. Ngjarja ka ndodhur në Igumenicë në kufi me Shqipërinë.
Mediat greke shkruajnë se policia po zhvillon një operacion antidrogë në Athinë për goditjen e një grupi kriminal në trafikun e drogës. Mësohet se janë sekuestruar deri tani 230 kg marijuanë në vendin e quajtur Eksarkia. Në pranga thuhet se kanë rënë edhe disa shtetas shqiptarë dhe grekë.
