1 kilogramë kanabis sativa është sekuestruar në pjesën e bagazhit të një automjeti nga policia e Kukësit, ndërsa ka arrestuar një person dhe një tjetër është shpallur në kërkim.
Sipas njoftimit të policisë i arrestuari është Artan Loshi, 40 vjeç , banues në fshatin Konë, Rrëshen, ndërsa në kërkim u shpall Z.N., 49 vjeç, banues në Mamurras.
Njoftimi i policisë:
Mbi bazën e informacioneve të marra në rrugë operative se në vendin e quajtur Fush-Dukagjin, Kolsh, shtetasi Artan Loshi do të shiste një sasi lënde narkotike, janë organizuar shërbimet ku u bë e mundur kapja në flagrancë e shtetasit të lartëpërmendur i cili kishte 2 thasë lëndë narkotike Cannabis Sativa, me peshë rreth 11 kg.
Gjithashtu në afërsi të vendit të ngjarjes u konstatua një automjet tip “Benz”, me targa AA 674 AD, në pronësi të shtetasit Z.N., ku gjatë kontrollit të ushtruar në pjesën e bagazhit u gjetën mbetje si ajo e lëndës së dyshuar narkotike.
