Shteti i Kosovës do të përfaqësohet me një delagacion në Asamblenë Parlamentare të KiE.
Ky vendimi i Këshilli të Evropës për të futur Kosovën në sesionin e rradhës që po zhvillohet në Strasburg më 10-14 tetor 2016, ka një rëndësi të madhe për shtetin e ri.
Në këtë sesion kryetarja e Delegacionit shqiptar në APKiE, Valentina Leskaj u shpreh e lumtur për Kosovën dhe për gjithë rajonin. Ajo tha se ky vendim i Asamblesë është i vlefshëm për ngritjen nivelit të dialogut me Kuvendin e Kosovës.
“Pa dyshim që përfshirja e një përfaqësuesi të minoritetit në delegacion, është një mundësi shumë e mirë për to. Ndërkohë, ngritja e nivelit të dialogut, formatimi i një delegacioni që do përfaqësojë Kuvendin e Kosovës, në Asamblenë Parlamentare të Këshillit të Evropës, është një hap shumë i rëndësishëm për forcimin e demokracisë, të drejtave të njeriut dhe shtetit të së drejtës; me ndikim pozitiv për Kosovën, por edhe për stabilitetin e rajonit”, tha Leskaj.
Më tej, znj. Leskaj u shpreh se vendet duhet të shohin drejt së ardhmes, përmes dialogut, i cili është një nga vlerat dhe misioni i APKiE.
“Nuk duhet të na tërheqë pas e shkuara, e cila nuk sjell asnjë të mirë as për Kosovën, as për Serbinë dhe as për rajonin. Nxitja e dialogut, kërkon që palët të jenë në tavolinë, ndaj ratifikimi i vendimit të Byrosë për zbatimin e Rezolutës 2094 të Asamblesë së KiE është shumë i rëndësishëm”,- përfundoi fjalën e saj Kryetarja e Delegacionit shqiptar në APKiE, znj. Leskaj.
