Aktorja amerikane është arrestuar gjatë ditës së djeshme, pasi ajo po protestonte kundër ndërtimit të gazsjellësit në North Dakota( Dakotën e Veriut), i cili kalon në katër shtete.
Momentin e arrestimit të Shailene Woodley, yllit të Divergent, ku ajo ndodhej së bashku me 200 persona të tjerë, e regjistroi përmes video live në Facebook.
Në pamjet live në Facebook aktorja tha se ajo ishte duke ecur në mënyrë paqësore më automjetin e saj, kur policia e ka ndaluar atë duke e kapur për xhakete.
Videoja, e cila është parë më shumë 2.4 milion, u përhap me shpejtësi në rrjetet sociale. Policia thotë se ajo ishte një nga 27 të arrestuarit me akuzën për shkeljet penale.
