Bashkia e Tiranës ka organizuar sot “Maratonën e Tiranës”, por strategjia e saj për menaxhimin e trafikut në kryeqytet ka qenë e dështuar, pasi Tirana në këto momente është kthyer në një katrahurë.
Njerëz që bërtasin, njerëzit duan të shkojnë në punë, jo të gjithë e kanë pushim të dielën, përveç automjeteve, në rrugët kryesore të Tiranës nuk lejohen që të kalojnë as njerëzit.
Të sëmurë dhe të moshuar që mezi qëndrojnë në këmbë luten para policëve që të kalojnë, por këta të fundit të vendosur për të zbatuar urdhrin thonë me keqardhje se nuk kanë se çfarë të bëjnë.
Në videot e mëposhtme të sjella nga jetaoshqef keni situatat e ndryshme që tregojnë se çfarë po ndodh në këto momente në Tiranë.
