Trajneri i Ukrainës, Andrij Shevçenko, është shfaqur mjaft i lumtur për fitoren e parë të ekipit të tij në këto kualifikuese. Në deklaratën pas ndeshjes për “Supersport”, ai vlerësoi shumë edhe përfaqësuesen e Kosovës.
Për ndeshjen “Jemi të çliruar pasi arritëm fitoren e parë e cila ishte shumë e rëndësishme pas dy barazimeve në dy ndeshjet e para. Jemi në një grup shumë të fortë dhe çdo pikë e fituar ka rëndësi.” Për Kosovën “U munduam të kontrollojmë lojën sepse e dinim që Kosova nuk është ekip i lehtë. Janë të rrezikshëm dhe çdo ekip do ketë probleme përballë tyre. Edhe pse Kosova humbi thellë me Kroacinë, shoh potencial te ky ekip dhe lojtarët japin zemrën në fushë.”
