Ligji i Vetting-ut, i miratuar më 30 gusht vetëm me votat e mazhorancës ka hyrë sot zyrtarisht në fuqi.
Presidenti Bujar Nishani e dekretoi atë “në heshtje”. Kreu i shtetit nuk e vuri firmën mbi këtë ligj dhe as e ktheu në Kuvend për rishqyrtim, por i la afatet kushtetuese të kalonin.
Opozita e cila nuk e votoi e ka dërguar Vettingun në Gjykatën Kushtetuese.
Sipas ligjit, subjekt do të jenë trupat gjyqësore në të gjitha shkallët e Gjyqësorit.
Për realizimin e procesit që do të kalojë në filtra, përfaqësuesit e institucioneve të drejtësisë do të jenë Komisioni i Pavarur i Kualifikimit, Kolegji i Apelimit, Komisionerët Publikë, dhe më i debatuari, Operacioni Ndërkombëtar i Monitorimit.
