Një i ri është plagosur me armë zjarri në Tiranë sot rreth orës 00:35 në rrugën “Bedri Karapici”.
I plagosur është një 23-vjeçar me iniciale A.B, i cili ka përfunduar në spital. Në vendin e ngjarjes u sekuestruan tri gëzhoja si dhe një automjet tip “Volkswagen”, i cili sipas policisë është në pronësi të autorit të ngjarjes.
Policia ka identifikuar autorin e plagosjes dhe po punon për arrestimin e tij.
Deklarata e policisë:
Më datë 09.10.2016, rreth orës 00:35, në rrugën “Bedri Karapici”, ka patur një konflikt.
Si pasojë e këtij konflikti është plagosur me armë zjarri shtetasi A. B., 23 vjeç, i cili ndodhet në SQU, nën kujdesin e mjekëve.
Në vendngjarje janë gjetur 3 gëzhoja dhe mjeti tip “Volksëagen”, në pronësi të autorit të dyshuar.
Punohet për kapjen e shtetasit Sh. T., i dyshuar për kryerjen e kësaj ngjarje kriminal.
