Shumë socialistë mund të kenë mbetur sot të habitur kur kanë parë kryetarin e bashkisë më të madhe republikane të vendit të celebrojë një martesë mbretërore.
Por një mbret si Leka II nuk mund të kurorëzohej përveçse nga mbreti i fallcitetit Erion Veliaj.
Për kryetarin e votuar nga veteranët, antikolaboracionistët dhe idhtarët e republikës pyetja është: si ka mundësi që Erion Veliaj, me Ajolën përkrahu, doli nga zyra e tij dhe luajti rolin e nënpunësit të gjendjes civile për të celebruar “çiftin e ruajal”?
Një shkelje syri për monarkinë, nga ky i majtë i thekur?
Një shembull më shumë se është mirë të shfaqesh kudo, pa menduar asgjë?
Një shkelje mendjelehtë mbi traditën republikane?
Apo një konfirmim radhës se deviza e Rilindjes është: lëvizja gjithçka qëllimi asgjë? /Lapsi.al
