Koncesionari i aeroportit “Nënë Tereza” është tashmë zyrtarisht grupi kinez “China Everbright Limited”, që ka marre në zotërim 100% të kapitalit.
Procesi i shitjes së aksioneve u finalizua këtë të premte dhe ai pritet të miratohet edhe nga Ministria e Transporteve, si organi përgjegjës për aeroportin “Nene Tereza”.
Drejtori i Përgjithshëm Ekzekutiv i CEL, Chen Shuang, u shpreh se: “Me mbështetjen e Qeverisë së Shqipërisë dhe stafin menaxherial të TIA-s, CEL ka kënaqësinë të mbyllë procesin e blerjes së Tirana International Airport. Blerja përbën një metodë proaktive të koorporatës për të identifikuar mundësi të mira investimi në infrastrukturë e cila përputhet me Nismën e Kinës mbi Rrugën e Mëndafshtë.
Kjo shënon gjithashtu lëvizjen e parë të Fondit të Infrastrukturës China Everbright, i cili është në proces themelimi. Me mbështetjen dhe burimet e CEL, TIA mund të zhvillojë më tej facilitetet dhe pajisjet e saj, për të bërë dallim të shkëlqyer në çdo aspekt.
Gjithashtu, me lidhjet e shumta të CEL në Kinë, ne besojmë se tregtia dhe turizmi dhe ndërmjet dy vendeve do të promovohet më tej. Për këtë arsye kjo blerje ka një domethënie dhe vlerë të veçantë”.
