Një qytetar ka rënë në pusetë duke u dëmtuar rëndë por ka mbetur për 30 minuta në shi.
Videoja e rëndë është publikuar nga “Nisma Thurje” dhe tregon një burrë i cili është rrëzuar pasi ka zbritur nga autobusi. Sipas kësaj faqeje, burri është penguar nga një pusetë dhe ka humbur ndjenjat nga rrëzimi.
Në vendngjarje Policia ka shkuar pas 15 minutash, ndërkohë që ambulanca nuk dukej gjëkundi.
“Nisma pershendetje. Ju lutem shperndajeni kete video tmerri. Ky personi ishte te stacioni i fundit i kombinatit. U pengua te puseta e hapur dhe ra duke u demtuar rende. Morem policine dhe ambulancen dhe erdhi mbas 15 min policia. Edhe policia komunikonte per nje ambulance por ajo nuk vinte. Mbeti i shkreti gjysem ore ne shi i shtrire. Uroj tja kete dale. Kujdes njerez ruajuni se per kete shtet keni vdekur po rate ne pusetat e leshit”, shkruan denoncuesja.
