Autori i vrasjes së Genc Mëhillajt në Shkodër është prangosur pas mesnate.
Autori i krimit, 21 vjeçari Jozef Mujeci nga Lezha u gjet i fshehur në fshatin Gruemirë në Malësi të Madhe, në një banesë të braktisur.
“Materialet proceduriale i’u referuan Prokurorisë së Rrethit Gjyqësor Shkodër për veprat penale “Vrasja me paramendim e kryer në bashkëpunim” dhe “Prodhimi dhe mbajtje pa leje e armëve luftarake dhe municionit”, thotë policia në një komunikatë për mediat.
Vrasja ndodhi dje paradite në fshatin Mali i Jushit. Autori bashkë me disa shokë i kishin zënë pritë Mhillit, i cili udhëtonte me një kamioçinë të ngarkaur me miell. Ai ka tentuar të largohet por autorët e kanë ndjekur duke e lënë të vrarë në një arë. Dyshohet se 42 vjeçari nga Torovica e Lezhës ishte konfliktuar me autorin pak ditë më parë, duke e rrahur atë. Ende nuk janë zbardhur motivet e këtij sherri që çuan deri në vrasje.
