Shqipëria ka kaluar në avantazh me anë të Jahmir Hykës në përballjen me Kroacinë. Aliji ka krosuar nga e majta në qendër të zonës, aty ku Roshi ul me kokë për Jahmir Hykën që nuk gabon para portierit duke realizuar golin e avantazhit.
Tifozët janë ngritur më këmbë pas debutimit duke ndezur stadiumin e Vaduzit. Trajneri Xhani de Biasi ka hequr dorë nga skema e tij me 3 sulmues shkatërrues përpara mbrojtjes duke zgjedhur që të rreshtojë Kukelin dhe Abrashin përpara repartit difensiv me 4 lojtarë.
Treshja e mesfushorëve që do të mbështesë Odise Roshin është gjithashtu një risi, teksa për herë të parë do të startojnë si titullarë Llullaku, Hyka dhe Roshi.
Shumë interes ka për sulmuesin e Gaz Metanit, Asdren Llullaku që ka shënuar 8 gola deri tani në kampionatin rumun.
