Sherr i dhunshëm në Korçë, vdes 44 -vjeçari

Një tjetër viktimë është shënuar në qytetin e Korçës këtë të enjte. Lajmin e kanë konfirmuar blutë e qytetit juglindor të cilat thanë se viktima është një 44-vjeçar i cili ishte konfliktuar me një tjetër person. Ngjarja ndodhi në fshatin Vreshtas dhe viktima ka ndërruar jetë rrugës për në spital si pasojë e dhunës së ushtruar pas një konflikti.
NJOFTIMI PARAPRAK I POLICISE:
Konfliktohet fizikisht me bashkëfshatarin e tij, i cili si pasojë e plagëve të marra, ndërron jetë në Spital. Policia në kohë rekord kap autorin e dyshuar. Më datë 06.10.2016 njoftohemi se në urgjencën e Spitalit Rajonal të Korçës, ka mbërritur trupi i pajetë i shtetasit B.M, rreth 44 vjeç, banues në fshatin Vreshtas. Nga të dhënat paraprake dyshohet se ky shtetas në qendër të fshatit Vreshtas, është konfliktuar fizikisht për motive të dobëta me
bashkëfshatarin e tij shtetasin K. Lika, 28 vjeç, ku si pasojë e dëmtimeve trupore të marra, shtetasi B.M gjatë rrugës për në Spital, ka ndërruar jetë. Autori i dyshuar i ngjarjes ndodhet i shoqëruar nga shërbimet e Policisë. Grupi hetimor po punon për zbardhjen e plotë të rrethanave të ngjarjes