Nuk ka shkuar fare mirë pjesa e parë për Kosovën përballë Kroacisë, ndeshja e dytë kjo, kualifikuese për Botërorin Rusi 2018.
Kombëtarja më e re e Europës ka pësuar 3 gola vetëm pak minuta pas fillimit të ndeshjes. Ka qenë shtatlarti Manxukiç që ka shënuar dy herë për Kroatët.
Goli i parë erdhi në minutën e 6-të, ku kroatët gjetën epërsinë e shpejtë me Manxukiçin, i cili i vetëm përballë Ujkanit nuk e ka të vështirë të realizojë.
Goli i dytë u shënua në minutën e 24-të. Sulmuesi Manxukiç shfrytëzon me kokë një krosim të Perishiçit nga e majta duke mposhtur Ujkanin për herë të dytë.
Ndërsa goli i tretë u bë në minutën e 35-të. Manxukiç nuk ka rivalë dhe bën ç’të dojë në zonën kosovare.
