Tre ditë pas masakrës në Dajç të Shkodrës, gjykata lë në burg Miklovan Parubin i cili vrau dy persona dhe plagosi katër të tjerë. Ngjarja e rëndë ndodhi mbrëmjen e së hënës.
Miklovan Parubi, ishte person i njohur në zonë si konsumator i lëndëve narkotike, si dhe me luhatje emocionale. Mendohet se në këto kushte, i prekur në sedër pas lojës, ai të ketë ndërmarrë krimin. Sot në gjyq ai dukej i qetë, teksa ka përshëndetur prindërit e tj duke buzëqeshur teksa ka kaluar në korridorin e gjykatës për të hyrë në sallë ku u njoh me masën e sigurisë. Seanca është bërë me dyer të mbyllura dhe siç shihet edhe nga fotot dhe videot e siguruara nga “Panorama”, në gjykatë ka pasur forca të shtuara sigurie nga frika e ndonjë incidenti për hakmarrje. Parubi ishte pronar i një lokali në Dajç, por nuk konfirmohet nëse bëhet fjalë për ambientin ku ekzekutoi bashkëfshatarët e tij. Ai është i martuar dhe baba i një vajze. Policia tha se vrasja ka si motiv një konflikt banal mes autorit dhe personave që gjendeshin në lokal, pas lojës me poker Ai qëlloi me armë zjarri pak para mesnatës së 4 tetorit në lokalin në Dajç duke vrarë shtetasit Arjet Saiti 42 vjeç dhe Gacalin Kopshti, 30 vjeç. Gjithashtu, nga të shtënat mbetën të plagosur shtetasit: Aleks Prendi, 40 vjeç, Viçens Kopshti 26 vjeç, Ndok Marku 35 vjeç dhe Kitas Molla 26 vjeç.
Burg bashkëpunëtorit
Gjykata e Shkodrës ka lënë në burg edhe bashkëpunëtorin e masakrës në Dajç të Shkodrës, Marcel Shpijakun. Ky i fundit sot përpara togave të zeza ka thënë se e ka ndihmuar autorin, pasi kishte frikë se mos e vriste. Masa e sigurisë për bashkëautorin është dhënë me dyer të mbyllura dhe nën masa të rrepta sigurie nga frika e ndonjë hakmarrje të mundshme. Në sallën e gjyqit kanë qenë të pranishëm edhe të afërm të viktimave, ndërkohë që babai i Parubit është transportuar nga forcat e policisë në gjykatë.
https://youtu.be/NtQ1k57X4wM
