Rreth 15 600 shtetas kosovarë kanë ardhur në Shqipëri për të ndjekur sfidën Kosovë-Kroaci. Policia e Shtetit ka marrë një sërë masash për zhvillimin normal të ndeshjes ndërkombëtare të futbollit ndërmjet ekipeve “Kosova” dhe “Kroacia”
Në këtë kuadër rreth 1200 forca policore, duke filluar me RENEAN, FNSH-të e Policinë Vendore të Shkodrës janë angazhuar për mbarvajtien para, gjatë e pas përfundimit të aktivitetit. Gjithashtu është në gatishmëri helikopteri i Policisë për monitorimin nga ajri.
Gjithashtu u bë kontrolli i ambjenteve të stadiumit me qen anti-eksploziv.
Janë marrë masa për të shoqëruar skuadrat si dhe tifozë ritë përkatëse.
Deri tani nëpërmjet Pikës së Kalimit Kufitar të Morinës në Kukës kanë hyrë për në drejtim të Shkodrës: 15.600 shtetas; 77 autobusa; 2538 vetura
Të gjithë nga Kosova për ndeshjen. Policia e Shtetit kërkon mirëkuptimin e sportdashësve që do të marrin pjesë në këtë aktivitet në respektimin dhe zbatimin e këtyre masave si dhe pajisjen me biletë dhe dokument identifikimi, duke shmangur njëkohësisht mbajtjen me vete dhe futjen në ambientet e stadiumit të, sendeve të forta, borive, shisheve të çfarëdolloji, fishekzjarreve, monedhave apo sendeve metalike, pasi në hyrje do të kontrollohen fizikisht .
