Kosova ka pësuar një humbje të thellë mbrëmjen e sotme në stadiumin “Loro Boriçi” në Shkodër. Kroatët kanë shënuar plot 6 gola, 3 nga Manxukic, i cili u largua në pjesën e dytë.
Goli i parë erdhi në minutën e 6-të, ku kroatët gjetën epërsinë e shpejtë me Manxukiçin, i cili i vetëm përballë Ujkanit nuk e ka të vështirë të realizojë.
Goli i dytë u shënua në minutën e 24-të. Sulmuesi Manxukiç shfrytëzon me kokë një krosim të Perishiçit nga e majta duke mposhtur Ujkanin për herë të dytë.
Ndërsa goli i tretë u bë në minutën e 35-të. Manxukiç nuk ka rivalë dhe bën ç’të dojë në zonën kosovare.
Kroacia gjeti golin e katërt në minutën e 67 me Matej Mitroviç, ndërsa në minutën e 83′ Kroacia realizon edhe golin e pestë me Perishiç. Nikola Kalinic shënoi në shtesë (90’+2).
