Fondi Monetar Ndërkombëtar mbetet konstant në rishikimin e tij lidhur me rritjen ekonomike të Shqipërisë për vitin 2016. Në raportin e Ekonomisë Globale 2016, FMN parashikon që rritja ekonomike për Shqipërinë të jetë 3.4%.
Por FMN parashikon që rritja ekonomike të përshpejtohet në vitet në vijim, duke arritur 3.7% në vitin 2017. Sipas raportit të FMN-së, Shqipëria nuk pritet që deri në vitin 2021 të ketë një rritje më të lartë se 4.1%.
Rritja globale, sipas raportit të FMN-së, është parashikuar të ngadalësohet në 3.1% në 2016-n, ndërsa pritet të ketë një rimëkëmbje në vitin 2017, duke arritur në 3.4 %.
